OL GUDGUDFALA SAMTING LONG BAEBOL | MAK 3-4
Hilim Sikman Long Sabat Dei
?From wanem Jisas i harem nogud long fasin blong ol lida blong skul blong ol man Jiu? From we oli ademap plante smosmol loa we i givim baden long ol man. Eksampol, i tabu blong kilim wan flae. I tabu blong hilim wan man, yu save mekem nomo sipos laef blong hem i stap long denja. Hemia i minim se sipos bun blong wan man i brok o wan joen long bodi i kamaot, oli no save tritim long Sabat dei. I klia nomo se ol lida blong skul blong ol man Jiu oli no sori nating long man ya we han blong hem i ded.