Tingbaot Waef Blong Lot

?From wanem waef blong Lot i lukluk bak taem hem i stap ronwe long Sodom? Baebol i no talem ansa. (Je 19:17, 26) Folem woning long stori we Jisas i givim, i soemaot se maet waef blong Lot i wantem tumas ol samting we hem i bin lego. (Lu 17:31, 32) ?Olsem wanem blong no mekem samting we God i no glad long hem? Yumi no mas putum ol samting blong bodi fasples long laef blong yumi. (Mt 6:33) Jisas i talem se yumi ‘no save kam slef blong God mo long semtaem slef blong mane.’ (Mt 6:24) ?Be olsem wanem sipos yumi haremsave se ol samting blong bodi oli stat blong kam moa impoten long ol samting blong spirit? Yumi save prea long Jehova blong i givim waes long yumi blong luksave ol samting we yumi nid blong jenisim, mo blong gat strong tingting blong mekem ol jenis ya.

WAJEM BAKEGEN VIDEO YA TINGBAOT WAEF BLONG LOT, PAT 1 KASEM 3 MO ANSA LONG OL KWESTIN YA:

• 

  From we narafala i fosem Gloria blong kasem moa mane, ?olsem wanem samting ya i spolem tingting, toktok, mo ol aksen blong hem?

• ?Olsem wanem waef blong Lot i olsem wan eksampol we i givim woning long yumi tede?

• Taem Joe mo famle blong hem oli folem ol rul blong Baebol, ?olsem wanem samting ya i givhan long olgeta?

• ?Olsem wanem ol fren blong Ana long wok oli spolem hem long saed blong spirit?

• ?From wanem yumi nidim strong tingting sipos narafala i fosem yumi blong putum mane fasples long laef blong yumi?

• ?Olsem wanem Brian mo Gloria i putum bakegen ol samting long saed blong spirit fasples long laef blong tufala?

• ?Wanem ol rul blong Baebol we yu luk long video ya?