LAEF BLONG OL KRISTIN
Jehova i Laekem Ol Man We Oli Klin
Plante papa mama oli tijim ol pikinini blong olgeta blong oli stap klin long bodi, olsem “wasem han. Klinim rum. Brum long floa mo tekemaot plastik doti i go aotsaed.” Ol rul ya long saed blong fasin klin, oli kam long tabu God blong yumi. (Eks 30:18-20; Du 23:14; 2Ko 7:1) Taswe, taem bodi mo ol ting blong yumi oli stap klin, yumi givim ona i go long Jehova. (1Pi 1:14-16) ?Olsem wanem long haos mo yad blong yumi? Long ol rod mo ples blong spel, ol man oli sakem doti olbaot nomo, be ol Kristin oli defren, oli mekem bes blong olgeta blong mekem wol ya i stap klin. (Sam 115:16; Re 11:18) Nating se long ol smol samting olsem plastik blong loli, ol tin, o jingom, oli soemaot se oli tinghae long fasin klin. Long olgeta haf blong laef blong yumi, yumi wantem soemaot se yumi ol “man blong wok blong God.”—2Ko 6:3, 4.
WAJEM VIDEO YA GOD I LAEKEM OL MAN WE OLI KLIN, MO BIAEN YU ANSA LONG OL KWESTIN YA:
?Samfala oli mekem wanem eskius blong no kipim ol samting blong olgeta i stap klin?
?Olsem wanem Loa blong Moses i soemaot tingting blong Jehova long fasin klin?
?Olsem wanem yumi save presem Jehova long ol fasin blong yumi?
?Olsem wanem mi save soemaot fasin blong Jehova blong stap klin long laef blong mi?