LAEF BLONG OL KRISTIN
Jehova i Soemaot Lav Taem i Stretem Man
Tok ya stretem i minim tijim, mo tu i save minim panisim. Jehova i stretem yumi blong yumi save wosipim hem long wan fasin we hem i glad long hem. (Ro 12:1; Hib 12:10, 11) Samtaem yumi harem nogud taem oli stretem yumi, be hemia i save mekem i gud long yumi mo yumi save kasem blesing from. (Pro 10:7) Man we i stretem narafala mo man we i kasem fasin stretem, ?oli mas tingbaot wanem?
Man we i stretem narafala. Ol elda, ol perens, mo ol narafala oli traehad blong stretem narafala wetem kaen fasin mo lav olsem Jehova. (Jer 46:28) Iven sipos fasin stretem ya i strong folem wan situesen, be i mas stanap long lav.—Tae 1:13.
Man we i kasem fasin stretem. Nomata wanem kaen fasin stretem yumi kasem, yumi no mas sakemaot be yumi mas kwik blong folem. (Pro 3:11, 12) From yumi sin man, yumi nidim fasin stretem we samtaem yumi kasem long ol miting o tru long Baebol riding blong yumi. Mo samtaem, samfala oli nidim we kot komiti i stretem olgeta. Taem yumi folem mo akseptem fasin stretem, yumi save gat gudfala laef naoia mo blong olwe.—Pro 10:17.
WAJEM VIDEO YA “JEHOVA I STAP STRETEM OLGETA WE HEM I LAVEM OLGETA,” BIAEN ANSA LONG OL KWESTIN YA:
?Long stat laef blong Canon i olsem wanem, mo olsem wanem i jenis?
?Olsem wanem Jehova i stretem hem wetem lav?
Akseptem fasin stretem we i kam long Jehova
?Yumi lanem wanem long stori blong Canon?