Kasem Hat Blong Man

Yumi mas obei long God wetem fulhat blong yumi. (Pro 3:1) Taswe taem yumi tijim ol man, yumi mas traem blong kasem hat blong olgeta. ?Olsem wanem blong mekem?

Yumi no mas tijim studen long ol trutok blong Baebol nomo. Be, yu mas halpem hem blong i luksave se samting we hem i lanem i joen wetem laef blong hem mo fasin blong hem blong fren wetem Jehova. Halpem hem blong i kasemsave olsem Baebol i soemaot lav blong Jehova, gudfala fasin blong hem, mo stret fasin blong hem. Askem ol kwestin we i save pulum hem blong talemaot tingting blong hem long saed blong ol samting we hem i stap lanem. Givhan long hem blong i save tingbaot ol gudfala frut we i save kamaot, sipos hem i jenisim wan rong tingting mo fasin we hem i gat. Taem yu luk se studen blong yu i stat blong lavem Jehova moa, hemia bambae i mekem se yu kasem moa glad long wok blong prij.

WAJEM VIDEO YA GLAD LONG WOK BLONG MEKEM DISAEPOL—KAM GUD MOA—KASEM HAT BLONG MAN, BIAEN ANSA LONG OL KWESTIN YA:

• 

  ?From wanem Neeta i askem long Jade se: “Yu tingbaot yet ol samting we yumi tokbaot long Mande?”

• 

  ?Olsem wanem Neeta i halpem Jade blong i kasemsave se ol rul blong Baebol oli pruvum se Jehova i lavem hem?

• 

  ?Olsem wanem Neeta i halpem Jade blong i soemaot se hem i lavem God?