Mifala i Talem Tangkiu Long Jehova From Lav Blong Yufala

Kongregesen blong Tesalonaeka i soemaot lav long ol Kristin brata sista blong olgeta, nating se oli stap fesem hadtaem. (2Te 1:3, 4) Sem mak, tede ol man blong Jehova oli soemaot lav long ol brata mo sista long fulwol. Long jw.org i gat wan haf we i talem se “?Olsem Wanem Oli Yusum Presen Mane Blong Yu?” Haf ya i tokbaot olsem wanem oli yusum ol presen mane blong yu blong givhan long ol brata long ol hadtaem naoia. Mifala i talem tangkiu from lav we yufala i soem mo fasin blong yufala blong rere oltaem blong givhan.

WAJEM VIDEO YA MIFALA I “TALEM TANGKIU OLTAEM LONG GOD FROM YUFALA,” MO ANSA LONG OL KWESTIN YA:

• ?Oli yusum presen mane blong yumi blong mekem wanem?

• ?Wanem beswan rod blong givim mane long ol brata sista we oli gat nid?—Ridim atikol ya long jw.org, “Olgeta We Oli Gat Plante Oli Givhan Long Olgeta We Oli Sot Long Samting”