“Man We i Gat Lav . . . i Gat Hop Long Olgeta Samting”

From we yumi gat lav, yumi hop se ol brata sista bambae oli mekem ol gudfala desisen. (1Ko 13:4, 7) Eksampol, sipos wan brata i mekem sin mo i kasem fasin stretem, yumi hop se bambae hem i traehad blong jenisim fasin blong hem. Yumi gat longfala tingting long olgeta we bilif blong olgeta i slak mo yumi traehad blong halpem olgeta. (Ro 15:1) Sipos wan pablisa i lego trutok, yumi hop se wan dei bambae hem i kambak.—Lu 15:17, 18.

WAJEM VIDEO YA TINGBAOT SE MAN WE I GAT LAV—I GAT HOP LONG OLGETA SAMTING, BIAEN ANSA LONG OL KWESTIN YA:

• ?Olsem wanem fasin blong Abnere blong holem strong i jenis?

• ?Deved mo Joab i mekem wanem from samting we Abnere i askem?

• ?From wanem yumi mas hop se ol brata sista bambae oli mekem gudfala desisen?