LAEF BLONG OL KRISTIN

Ol Samting Long Buk Ya !Enjoem Laef Olwe!

?Yu yu laekem ol video mo ol kwestin we i pulum man blong talemaot tingting blong hem, we i stap long buk ya !Enjoem Laef Olwe!? ?Olsem wanem long haf ya “Sam Man Oli Se,” “Nekis Step,” mo “Faenemaot”? ?Wanem sam narafala haf we yu luk se i givhan long yu, taem yu stap mekem stadi?—Mt 28:19, 20.

Buk ya “!Enjoem Laef Olwe!” long “JW Library” app. Wan pija we i soem haf ya “Ol Video Mo Atikol Blong Seken 1.”

Ol Video Mo Atikol: Sipos yu laekem moa blong yusum buk ya long had kopi, ?olsem wanem yu save faenem ol video mo ol narafala atikol we i joen wetem ol wanwan seksen? Sipos yu yusum buk ya long fon o tablet, yu save go long wan seksen, mo klik long laswan haf ya daon “ol video mo atikol.” (Yu luk pija 1.)

“Printed Edition” seting: Sipos yu yu yusum fon o tablet, mo studen blong yu i yusum had kopi, maet bambae yu faenem i moa isi sipos yu jenisim seting blong yu i go long “Printed Edition.” Taem yu stap insaed long wan lesen, yu klik long trifala dot antap long raetsaed blong pej mo klik long tok ya “Printed Edition.” Hemia i save halpem yu blong luk klia evri samting we yutufala i stap tokbaot. Sipos yu wantem jenisim i gobak olsem fastaem, yu klik long trifala dot ya bakegen, mo yu klik long tok ya “Digital Edition.”

Buk ya “!Enjoem Laef Olwe!” long “JW Library” app. Pija we i soem bokis ya “?Mi Mi Redi?” mo “Ol Not.”

“Mi Mi Redi?”: Ol bokis we oli stap klosap long en blong buk, oli soemaot ol mak we man i mas kasem, blong hem i save prij wetem kongregesen mo i save baptaes. (Yu luk pija 2.)

Ol Not: Ol not oli eksplenem moa samting long saed blong sam impoten topik. Long fon o tablet, i gat wan link long en blong evri not, sipos yu klik long hem bambae i tekem yu gobak long lesen we yutufala i stap long hem. (Yu luk pija 2.)

Sipos yu stadi wetem wan man long buk ya !Enjoem Laef Olwe! kasem we hem i baptaes, be yutufala i mas gohed kasem we hem i finisim gud buk ya. Nating se hem i baptaes finis, be yu save gohed yet makem hem olsem wan visit, wan stadi, mo kaontem aoa. Sipos wan pablisa i folem yu long wan stadi olsem, mo i givhan blong mekem stadi, hem tu i save kaontem aoa.