?Olsem Wanem Blong Yusum Ol Video Blong Stadi?

I gat fo video blong stadi we yumi save yusum long wok blong prij. ?From wanem oli wokem ol video ya?

• 

  Video ya ?From Wanem Yu Mas Stadi Baebol? oli wokem blong mekem ol man oli intres long Baebol, iven olgeta we bilif blong olgeta i defren. Video ya i enkarejem ol man blong lukaotem ansa blong ol impoten kwestin stret long Baebol mo i soem olsem wanem Baebol i givim ansa. Mo i tokbaot tu olsem wanem man i save askem blong stadi Baebol.

• 

  Video ya ?From Wanem i Gud Blong Stadi Baebol? i sem mak long faswan video we yumi tokbaot, be oli mekem hemia i sot moa. Yumi save yusum video ya long ol teritori we ol man oli nogat tumas taem blong storian.

• 

  Video ya ?Oli Mekem Baebol Stadi Olsem Wanem? i tokbaot fri program blong stadi we yumi stap mekem, mo blong pulum ol man blong stadi Baebol. Mo tu, hem i ansarem ol kwestin we man i save gat long saed blong program ya mo olsem wanem hem i save askem blong stadi Baebol.

• 

  Video ya Welkam Long Baebol Stadi Blong Yu i blong soem long Baebol studen. Nating se video ya i stap long pej 2 blong buk ya !Enjoem Laef Olwe!, be yu save soem taem yu stap tokbaot buklet ya !Enjoem Laef Olwe! Video ya i tokbaot ol save we i stap long buk ya, mo samting we bambae i hapen long taem blong stadi.

Nating se wanwan long ol video ya i defren, be yumi save jusum eniwan blong soemaot o sanem long narafala taem yumi luk se i stret. I gud ol pablisa oli lan blong yusumgud ol video ya long wok blong prij.