?Wanem Ol Mak We Yu Wantem Kasem Long Niufala Sevis Yia?

Ol mak long saed blong spirit, i minim eni samting we yumi traehad blong kamgud moa long hem blong mekem Jehova i glad mo blong givim bes blong yumi long hem. Ol mak ya oli givhan long yumi blong kam bigman long saed blong spirit mo hem i beswan rod blong yusumgud taem mo paoa blong yumi. (1Ti 4:15) ?From wanem i gud we oltaem yumi jekem ol mak we yumi putum? Hemia from we ol samting long wol ya oli stap jenis. Maet ol mak we yu bin putum bifo, yu no moa naf blong kasem o maet yu kasem mak ya finis mo yu wantem putum wan narafala mak.

Wan gudfala taem blong jekem ol mak blong yu hemia bifo we niufala sevis yia i stat. Maet long famle wosip yufala i save tokbaot olsem wanem wanwan i save putum ol mak o putum mak we famle i save kasem.

?Wanem ol mak we yu wantem kasem long ol haf ya daon mo olsem wanem bambae yu kasem ol mak ya?