Olgeta We Oli Stap Tru Long Jehova, Oli Holem Promes Blong Olgeta

Ridim Jajes 11:​30-40 blong luk lesen we yu save lanem long stori blong Jeftaha mo gel blong hem, we tufala i holemtaet promes we tufala i mekem.

Lukluk ol vas raonabaot. ?Wanem tingting blong ol man Isrel long ol promes we oli mekem long Jehova? (Nam. 30:2) ?Olsem wanem Jeftaha mo gel blong hem i soemaot se tufala i trastem Jehova?—Jaj. 11:​9-11, 19-24, 36.

Digim moa. ?Wanem tingting blong Jeftaha taem hem i mekem promes ya i go long Jehova? (w16.04 5 ¶12) ?Wanem sam samting we Jeftaha mo gel blong hem i mas lego, blong Jeftaha i save holemtaet promes blong hem? (w16.04 6-7 ¶14-16) ?Wanem sam promes we ol Kristin oli save mekem tede?—w17.04 6-9 ¶10-19.

Tingbaot ol lesen we yu lanem. Mo askem se:

• ‘?Wanem i save halpem mi blong holemtaet promes ya we mi mekem blong givim laef blong mi long Jehova?’ (w20.03 13 ¶20)

• ‘?Wanem ol samting we mi save lego blong mi mekem moa long wok blong Jehova?’

• ‘?Wanem i save givhan long mi blong holemtaet promes ya we mi mekem blong stap tru long hasban o waef blong mi?’ (Mat. 19:​5, 6; Efes. 5:​28-33)