Trastem Moa Se Jehova i Gat Paoa Blong Sevem Yu

Ridim Namba 13:25–14:4 blong luk samting we ol man Isrel oli mekem we i soemaot se oli no trastem Jehova.

Lukluk ol vas raonabaot. ?From wanem ol man Isrel oli sud trastem se Jehova i naf blong sevem olgeta, taem oli aot long Ijip? (Sam 78:​12-16, 43-53) ?Wanem i mekem se sloslo oli no moa trastem Jehova? (Dut. 1:​26-28) ?Olsem wanem Josua mo Kaleb i soemaot se tufala i trastem Jehova?—Nam. 14:​6-9.

Digim moa. ?Ol man Isrel oli sud mekem wanem blong trastem Jehova moa? (Sam 9:10; 22:4; 78:11) ?Olsem wanem fasin blong trastem Jehova i joen wetem fasin blong respektem hem?—Nam. 14:11.

Tingbaot ol lesen we yu lanem. Askem yu wan se:

• ‘?Wanem i save traem fasin blong mi blong trastem Jehova?’

• ‘?Mi save mekem wanem blong mi trastem moa Jehova naoia mo long fiuja?’

• ‘?Mi mas sua fulwan long wanem, naoia we bigfala trabol i stap kam klosap moa?’—Luk 21:​25-28.