?From Wanem Yufala i Tekem Nem Ya Ol Witnes Blong Jehova?

Jehova i nem blong God, olsem we i stap long Baebol. (Eksodas 3:14, futnot; Ol Sam 83:18, NW) Wan witnes i wan man we i talemaot ol tingting no ol trutok we hem i bilif long olgeta.

Taswe, nem blong ol Witnes blong Jehova i soemaot se mifala i wan grup blong ol Kristin we mifala i talemaot trutok long saed blong Jehova, God ya we i mekem olgeta samting. (Revelesen 4:11) Mifala i folem samting we mifala i lanem long Baebol, mo mifala i go talemaot ol samting ya long ol man. Long rod ya, mifala i stap givim witnes long ol man.—Aesea 43:10-12; 1 Pita 2:12