?Ol Witnes Blong Jehova Oli Respektem Ol Narafala Skul?

Mifala i folem advaes blong Baebol blong “ona long olgeta man,” nomata wanem bilif blong olgeta. (1 Pita 2:17) Long sam kantri, i gat plante taosen Witnes blong Jehova. Be mifala i no traem fosem gavman long olgeta kantri ya, blong oli blokem no oli putum tabu long wok we ol narafala skul oli stap mekem. Mo mifala i no mekem kampen blong gavman i putum wan loa blong fosem ol man long komuniti blong oli gat sem fasin mo bilif olsem mifala. Mifala i respektem ol narafala man, mo mifala i glad taem olgeta tu oli respektem mifala.—Matiu 7:12.