?I Tru Se Nem Blong God Jisas?

Ansa we Baebol i givim

Jisas i talem se hem i “Pikinini blong God.” (Jon 10:36; 11:4) Jisas i neva talem se hem nao i God ya we i gat Olgeta Paoa.

Mo tu, Jisas i prea i go long God. (Matiu 26:39) Mo taem hem i tijim ol disaepol blong hem blong oli prea, hem i talem se: “Papa blong mifala long heven, plis yu mekem we nem blong yu i tabu.”—Matiu 6:9.

Jisas i talemaot nem blong God taem hem i talem bakegen ol tok blong ol vas long Baebol. Hem i talem se: “Ol man Isrel, yufala i lesin, Jehova, God blong yumi, hem wan nomo i Jehova.”—Mak 12:29; Dutronome 6:4.