?Yu Ting Se Samting We Baebol i Tokbaot Long Laef Blong Jisas i Tru?

Ansa we Baebol i givim

Luk we i raetem wan buk blong Baebol, i tokbaot stori blong Jisas i se: ‘Mi raetemdaon ol stori ya from we mi bin lukluk gud long olgeta.’—Luk 1:3.

Sam man oli talem se ol stori blong Jisas we oli stap long Gospel blong Matiu, Mak, Luk mo Jon, oli jenis samtaem long yia 300 Kristin taem.

Be long yia 1900, oli faenem wan haf blong Gospel blong Jon long Ijip. Oli singaot haf blong Gospel ya se, Papyrus Ryland 457 (P⁵²) mo oli kipim long Laebri blong John Rylands, Manchester, Inglan. Haf ya we oli faenem, hemia Jon 18:31-33, 37, 38, mo i stap tu long Baebol we yumi yusum tede.

Hem i olfala moa long ol narafala haf blong Niu Testeman we ol man oli faenem. Plante man blong stadi oli talem se oli raetem haf ya samwe long yia 125 Kristin taem, no sam yia afta we Jon i raetem. Ol toktok insaed long haf ya oli sem mak long sam narafala haf we oli faenem afta.