Futnot

c Sam man blong hae save oli talem se fasin blong tinghae tumas long kantri blong yumi wanwan, hem i rili olsem wan skul nomo. Taswe ol man we oli holem tingting ya oli rili stap wosip long haf blong wael anamol ya we i minim kantri blong olgeta. Long saed blong fasin ya long Amerika, wan man i talem se: “Fasin blong tinghae tumas long kantri blong yumi wanwan, we i olsem wan skul nomo, hem i kolosap sem mak long plante bigfala skul bifo . . . Man we i holem fasin ya hem i dipen long nesen blong hem olsem we hem i wan god. Hem i harem se i nidim paoa blong nesen blong hem blong givhan long hem. Hem i ting se nesen no kantri blong hem nao i mekem hem i stret man mo i haremgud. Hem i ona long kantri blong hem, olsem we hem i skul blong hem. . . . Hem i tingbaot nesen blong hem olsem we hem i no save lus samtaem. Mo taem ol bigfala man long nesen ya oli ded, samting ya i leftemap hem moa long tingting blong man ya, mo hem i ona moa long hem.”—Toktok blong Carlton J. F. Hayes, we i kamaot long pej 359 blong buk ya What Americans Believe and How They Worship, we J. Paul Williams i raetem.