Futnot

c Tijing blong Triniti i kamaot long Babilon bifo. Ol man Babilon oli wosip long god blong san, Samas, god blong mun, Sin, mo god blong ol sta, Ista, olsem we oli tri god long wan bodi. Ol man Ijip oli folem fasin ya tu, oli wosip Osiris, Aesis, mo Orus. Bigfala god blong ol man Asiria, Asa, hem tu i gat tri hed. Ol Katolik skul oli folem fasin blong wosip blong olgeta, from we insaed long ol jyos haos blong olgeta, i gat ol aedol blong God wetem tri hed.