Futnot

a Olsem ol man Yoruba long Naejeria, we oli folem kastom blong olgeta se, afta we man i ded, sol blong hem i kambak long wan narafala bodi. From samting ya, taem wan pikinini i ded, mama i sore bigwan, be blong smoltaem nomo, from we wan tok blong ol man Yoruba i talem se: “Wora nomo i kafsaed mo i lus. Be sel kokonas i no brok.” Long tingting blong ol man Yoruba, sel kokonas we i stap holem wora, hemia mama, ale, hem i save karem wan narafala pikinini. Mo maet pikinini ya i semfala pikinini we i ded, be naoia hem i bon bakegen long wan nyufala bodi. Ol Wetnes blong Jeova oli no folem ol kastom we oli stanap long ol gyaman tingting blong man nomo. Ol tingting ya oli kamaot long ol gyaman bilif we oli no stap long Baebol, olsem sol we i no save ded, mo sol we i save kambak long wan narafala bodi afta ded.—Eklesiastis 9:5, 10; Esikel 18:4, 20.