Futnot

a Yumi mas makem se bifo long samting ya, Jekob i bin mekem sam samting blong traehad blong blokem famle blong hem long ol rabis fasin blong ol man Kenan. Hem i bildim wan olta, we i klia se i defren olgeta long ol olta blong ol man Kenan raonabaot. (Jenesis 33:20; Eksodas 20:​24, 25) Antap moa, hem i stanemap ol haos tapolen blong hem afsaed long taon blong Sekem. Mo hem i digim prapa wel blong hem blong kasem wora. (Jenesis 33:18; Jon 4:​6, 12) Taswe Daena i mas savegud se Jekob i no wantem we hem i go joen wetem ol man Kenan.