Futnot

b Long saed blong tok blong Pol se “man we i gat lav, tingting blong hem i longfala mo hem i kaengud,” Gordon D. Fee, wan man blong stadi long Baebol, i talem se: “Long ol tijing blong Pol yumi save luk klia tufala fasin [longfala tingting mo kaen fasin] we God i soemaot long ol man (Rom 2: 4). Hem i soemaot longfala tingting taem hem i holembak kros blong hem long ol man we oli rebel agensem hem; mo tu, yumi luk kaen fasin blong hem long ol samting we hem i mekem blong soem sore long ol man. Taswe, faswan samting we Pol i tokbaot blong eksplenem lav, hemia tufala fasin ya blong God. Tru long Kraes, God i soem se hem i gat longfala tingting mo hem i kaen long olgeta we i stret blong oli kasem jajmen blong hem.”