Futnot

a Bifo long Bolsevik Revolusen long Oktoba 1917, Rasia i yusum olfala kalenda we oli kolem Julian, be plante kantri oli yusum Gregorian kalenda. Long 1917, Julian kalenda i 13 dei biaen long Gregorian kalenda. Afta long revolusen, gavman blong Rasia i jenis i go long Gregorian kalenda, mekem se naoia Rasia i yusum semfala kalenda we olgeta kantri long wol oli yusum. Be, Otodoks Jos i stap yusum yet Julian kalenda blong mekem ol selebresen, mo oli talem se hemia “Olfala” kalenda. Maet yu yu harem se ol man long Rasia oli stap mekem lafet blong Krismas long Jenuware 7. Be, yu mas tingbaot se Jenuware 7 long Gregorian kalenda hem i sem mak wetem Disemba 25 long Julian kalenda. Mekem se plante man Rasia oli gat holide blong olgeta olsemia: Disemba 25 hemia Krismas blong ol narafala kantri; Jenuware 1, hem i Niu Yia blong ful kantri; Jenuware 7, hem i Krismas blong ol Otodoks; mo Jenuware 14 hem i Olfala Niu Yia.