Futnot

a Taem Jisas i tokbaot saen blong ol las dei, hem i talem plante pijatok. I gud blong makem se fastaem, Jisas i tokbaot “slef ya we i stret mo waes” hemia smol grup blong ol tabu Kristin we bambae oli lidim ol man blong God. (Matiu 24:45-47, NW) Biaen, hem i talem wan narafala pijatok blong tokbaot olgeta tabu Kristin. (Matiu 25:1-30) Afta nomo, hem i tokbaot olgeta we bambae oli sapotem ol tabu Kristin mo oli laef olwe long wol ya. (Matiu 25:31-46) Long sem fasin, taem profet tok blong Esikel i stat blong kamtru tede, fastaem hem i go long olgeta we oli gat hop blong laef long heven. Mo i no oltaem we ol ten laen blong Isrel oli pija blong ol man we bambae oli laef olwe long wol ya. Nating se i olsem, fasin ya we oli joen gud bakegen i mekem yumi tingbaot olsem wanem ol tabu Kristin oli joen gud wetem ol narafala sipsip.