• Oli Gohed Nating Se Nil Aranis i Stikim Olgeta
    Wajtaoa—2002 | 15 Februari

    • 11. ?Jiba i talem wanem long saed blong Mefiboset, mo olsem wanem yumi save se hem i giaman nomo? (Lukluk futnot.)

      11 Biaen, wan narafala trabol i kasem Mefiboset olsem nil aranis we i stikim hem. Long taem ya we King Deved i stap ronwe from we pikinini blong hem Absalom i rebel agensem hem, Jiba, man blong wok blong Mefiboset, i kam long Deved blong talem sam giaman ripot long saed blong Mefiboset. Jiba i talem se Mefiboset i stap long Jerusalem from we hem i wantem tekem ples blong king.a Deved i bilivim giaman ripot blong Jiba ale hem i givim olgeta samting we i blong Mefiboset, i go long man ya blong giaman.​—2 Samuel 16:1-4.

  • Oli Gohed Nating Se Nil Aranis i Stikim Olgeta
    Wajtaoa—2002 | 15 Februari

    • a I no stret nating blong ting se Mefiboset bambae i naf blong mekem wan nogud samting olsemia, from we hem i gat bigfala tangkiu long wanem we Deved i mekem long hem. Mefiboset i wan man we tingting blong hem i stap daon. Mo tu, hem i savegud stori blong papa blong hem, Jonatan, we oltaem i stap folem stret fasin. Nating se Jonatan i pikinini blong King Sol, hem i gat tingting daon mo i luksave se Jeova nao i jusum Deved blong kam king long Isrel. (1 Samuel 20:​12-​17) Jonatan i wan man we i fraet gud long God mo hem i wan gudfala fren blong Deved. Taswe, neva bambae hem i save tijim smol boe blong hem blong wantem kasem ples blong king.