I gud blong save se wanem i seksekem olgeta neson mo wanem samting i kamaot from. Baebol i talem se: “?From wanem ol narafala kantri [“olgeta neson,” NW] oli stap mekem plan blong mekem trabol? ?From wanem ol man blong olgeta oli stap mekem ol plan we oli no save win long hem nating?” (Ol Sam 2:1) Ol ‘plan we i no save win’ we ol neson oli stap “mekem,” no tingting dip long hem, hemia ol plan we oli folem blong holemtaet paoa blong olgeta. Taswe, samting we i mekem ol neson ya i seksek, hemia sipos narafala i karemaot paoa ya long han blong olgeta.

2:​1, 2​—?Wanem ‘plan we i no save win’ we ol kantri oli stap mekem? ‘Plan we i no save win’ hemia traehad we ol gavman blong man oli stap mekem blong holemtaet paoa blong olgeta. I blong nating nomo we oli traehad from we plan ya i no save win. ?Weswe ol kantri oli save win taem oli wok ‘agens long Hae God, mo agens long king we hem i makemaot’?