• ?Bambae Yu Yu Wokbaot Wetem God?
    Wajtaoa—2005 | 1 Novemba

    • 5. ?From wanem Jisas i yusum tok ya kiubit blong talem se yumi no save mekem laef blong yumi i longfala moa?

      5 Plante taem Baebol i tokbaot laef blong wan man olsem wan wokbaot we man i mekem taem hem i aot long wan ples blong go long nara ples. Samtaem, Baebol i talem stret se laef i wan ‘wokbaot’, be samtaem hem i yusum tok we i givim tingting olsem. Eksampol, Jisas i talem se: “?Yufala i ting se taem man i stap tingting tumas from laef blong hem we i sotfala nomo, bambae i save mekem laef blong hem i kam longfala moa long fasin ya [olfala hanraet i rid se: “i save ademap wan kiubit long laef blong hem”]?” (Matiu 6:27) ?From wanem Jisas i yusum tok ya “kiubit” we man i yusum blong makem longfala blong wan samting, blong tokbaot ol yia blong laef we yumi no save makem long kiubit?a Ating from we Jisas i tingbaot laef olsem wan wokbaot no trip we man i mekem blong go kasem wan ples. Yes, Jisas i wantem tijim se wari bambae i no halpem yumi blong mekem wokbaot blong yumi, no ol yia blong laef blong yumi, oli longfala moa. ?Be olsem wanem nao? ?Hemia i min se i no gat wan samting we yumi save mekem blong wokbaot ya i longfala moa? !No, i no minim olsem! Taswe i gat wan narafala kwestin nao blong tingbaot se, ?From wanem yumi mas wokbaot wetem God?

  • ?Bambae Yu Yu Wokbaot Wetem God?
    Wajtaoa—2005 | 1 Novemba

    • a Sam Baebol, olsem long Bislama Baebol, oli tanem tok ya “kiubit” se “moa taem” (The Emphatic Diaglott) no “wan minit moa” (A Translation in the Language of the People, we Charles B. Williams i raetem). Be tok we i stap long ol olfala hanraet hemia kiubit, we longfala blong hem i olsem 45 sentimeta.