• ?Laef i Stat Olsem Wanem?
    !Enjoem Laef Olwe!​—Baebol Kos

    • 3. ?Wanem i mekem se man i defren long animol?

      Afta we Jehova i mekem wol, hem i wokem ol laef samting long hem. Fastaem, hem i fulumap wol ya long ol plant mo animol. Biaen, “God i gohed, i mekem man long pija blong hem.” (Ridim Jenesis 1:27.) ?Wanem i mekem se man i spesel? From we God i wokem yumi long pija blong hem, yumi save soemaot ol gudfala fasin blong hem, olsem lav mo jastis. Mo tu, hem i mekem se yumi naf blong lanem ol lanwis, laekem ol naesfala samting, mo enjoem miusik. Mo yumi defren long ol animol, yumi save wosipim Krieta blong yumi.

  • ?Laef i Stat Olsem Wanem?
    !Enjoem Laef Olwe!​—Baebol Kos

    • 5. Stori blong kriesen long Baebol i stret nomo

      Long Jenesis japta 1, Baebol i tokbaot olsem wanem wol mo laef i stat. ?Yu save bilivim stori ya, o i wan giaman stori nomo? Plei VIDEO, mo tokbaot ol kwestin ya.

      VIDEO: ?Olsem Wanem Yunives i Stat?—Wan Smol Haf (3:51)

      Ol pija: Wan pija long video ya ‘?Olsem Wanem Yunives i Stat?—Wan Smol Haf.’ 1. Ol sikis ‘dei’ we God i krietem ol samting. 2. Wol afta long ol sikis dei we God i krietem ol samting, wetem san, drae graon, wota, ol plant, pijin, animol blong graon, mo ol man.

      • ?Baebol i tijim se God i wokem wol mo ol laef samting long sikis dei blong 24 aoa nomo?

      • ?Yu ting se i stret blong bilivim stori ya blong kriesen? ?From wanem yu ansa olsem?

      Ridim Jenesis 1:1, mo tokbaot kwestin ya:

      • Ol saentis oli talem se yunives i gat stat blong hem. ?Taem yu skelem tingting blong olgeta wetem samting we yu ridim long Baebol, yu luk wanem?

      Sam man oli stap askem sipos God i yusum evolusen blong krietem ol laef samting. Ridim Jenesis 1:21, 25, 27, mo tokbaot ol kwestin ya:

      • ?Baebol i tijim se God i wokem wan smol laef samting, afta samting ya i jenis i kam fis, animol, mo man? ?O hem i krietem evri defdefren “kaen” laef samting?b