-
!Kingdom Blong God i Stap Rul!Save Blong Lidim Long Laef We i No Save Finis
-
-
9 Sem mak nao, Jeova i mekem plante samting blong soem se Kingdom i wan trufala samting. Buk blong Hibrus long Baebol i tokbaot plante haf blong Loa, we oli pija blong ol samting long saed blong Kingdom. (Hibrus 10:1) Plante samting long kingdom blong Isrel long wol long taem bifo, oli pija blong ol samting we bambae oli kamaot aninit long Kingdom blong God. Kingdom blong Isrel bifo i no olsem ol narafala gavman, from we ol king blong hem oli sidaon long “jea blong Jeova.” (1 Kronikel 29:23) Mo tu, profet tok i talem se: ‘Wokingstik blong king bambae i no save aot long laen blong Juda, mo stik blong rul i mas stap bitwin long tufala leg blong hem, gogo Silo i kamtru. Nao ol man bambae oli obei long hem.’ (Jenesis 49:10)a Yes, Jisas, we bambae i King olwe long gavman blong God, i kamaot long Juda, we i laen blong ol king.—Luk 1:32, 33.
-
-
!Kingdom Blong God i Stap Rul!Save Blong Lidim Long Laef We i No Save Finis
-
-
a Nem ya Silo i minim “Hemia We Samting Ya i Blong Hem; Hemia We i Gat Raet Long Samting Ya.” Biaen, i kam klia se Jisas Kraes nao i “Silo” mo ‘Laeon we i kamaot long laen blong Juda.’ (Revelesen 5:5) Sam long ol Buk blong ol man Jyu, oli tekemaot tok ya “Silo,” mo oli yusum “Mesaea” no “Mesaea we i king” long ples blong hem.
-