Ol man Isrel oli gat i naf samting blong givim olgeta presen ya wetem gladhat. Rimemba se, taem ol man Isrel oli aot long kantri blong Ijip, oli karem plante samting i go wetem olgeta. Ol samting ya oli wokem long gol mo silva, mo i gat ol gudfala klos. Yes, “oli karem plante gudgudfala samting tu, we ol man Ijip oli givim long olgeta.”a (Eksodas 12:35, 36) Bifo, ol man Isrel oli rere blong givim ol gol jen blong olgeta blong wokem wan aedol blong giaman wosip. Be naoia, ?bambae oli rere blong mekem wan presen blong sapotem trufala wosip?