?Olsem wanem? ?Meriam i glad? Maet fastaem hem i glad. Be i luk olsem se afta we taem i pas, hem i kam flas. Maet hem i fraet se Jipora bambae i tekem spesel wok blong hem long nesen ya. Ale Meriam mo Eron i stat blong talem ol nogud tok. Mo sloslo, ol tok ya i kam moa nogud. Fastaem tufala i tok agensem Jipora, se hem i no woman Isrel be hem i kamaot long laen blong Kus.a Biaen, tufala i agensem Moses. Tufala i komplen se: “?Jehova i stap toktok long Moses nomo? ?Hem i no stap toktok tu long yumi?”—Namba 12:1, 2.