-
‘God i Mekem Hem i Stret Woman, From Gudfala Wok Blong Hem’Wajtaoa—2014 | 1 Jenuware
-
-
REHAB I WAN WOMAN BLONG ROD
Sam man blong stadi long Baebol bifo, oli ting se Rehab i wan woman blong lukaot long wan hotel. Be Baebol i talem klia se hem i wan woman blong rod. Save ya i mekem olgeta oli sek. (Josua 2:1; Hibrus 11:31; Jemes 2:25) Ol man Kenan oli tingbaot wok we Rehab i mekem olsem woman rod, se i gud nomo. Nating se oli gat tingting olsem, be hem i save se wok ya i no stret. Hemia from we Jehova i mekem yumi evriwan wetem wan tingting we i save jajem yumi, nao yumi naf blong luksave samting we i stret mo samting we i no stret. (Rom 2:14, 15) Ating Rehab i sem bigwan from wok we hem i stap mekem. Tede plante man we oli gat fasin olsem, oli harem se oli fas long wan trap. Oli harem se oli mas mekem wok ya, blong oli save lukaot long famle blong olgeta. Maet Rehab tu i harem olsem.
-
-
‘God i Mekem Hem i Stret Woman, From Gudfala Wok Blong Hem’Wajtaoa—2014 | 1 Jenuware
-
-
HEM I TEKEM TUFALA SPAE I GO LONG HAOS BLONG HEM
Sam dei bifo we ol man Isrel oli majraon long Jeriko, i gat tu strenja i go long haos blong Rehab. Tufala i ting se bambae i no gat man i luksave tufala, be from we ol man long taon ya oli fraet, oli tingbaot se maet ol man Isrel oli save sanem sam spae i kam insaed. Be Rehab i luksave tufala wantaem nomo, from we tufala i no olsem ol narafala man we oli go blong mekem rabis fasin wetem hem. Tufala i go askem wan ples blong slip nomo.
-