Sam narafala taem, ol man Isrel oli glad nomo blong givim presen mane olsem we oli wantem, nomata sipos i bigwan no i smol nomo. Tingbaot, taem Deved i wantem bildim wan haos prea blong Jeova, ol man blong hem oli givim fri nomo “gol we mane blong hem i kasem faef taosen talen.”a (1 Kronikel 29:7, NW) Traem skelem samting ya wetem wanem we Jisas i luk taem hem i stap long wol. Hem i luk “wan wido woman we i pua, i kam sakem tu smol mane we i olsem twanti vatu nomo” long ples blong kleksen long haos blong God. ?Mane we hem i givim, i bigwan olsem wanem? Hemia wan smol haf nomo blong pei blong wan dei. Jisas i talem se, nating we mane ya i smol nomo, be God i glad long hem.—Luk 21:1-4.