-
?Hu i Impoten Moa Long Laef Blong Yu?Wajtaoa—2011 | 1 Mei
-
-
7, 8. ?Wanem ol samting we oli traem Job? ?Taem Job i stanap strong mo i no lego Jehova, hem i soemaot wanem?
7 Jehova i no blokem Setan taem hem i mekem ol trabol oli kasem Job, wan trabol afta long narawan. (Job 1:12-19) ?Job i mekem wanem taem laef blong hem i jenis, mo plante trabol i kasem hem? Baebol i talem se hem i “no mekem sin nating, mo i no tok nogud long God from ol samting ya.” (Job 1:22) Be Setan i no stap kwaet yet. Hem i tok agensem Job bakegen, se: “Hem i save lego olgeta samting we hem i gat blong i sevem laef blong hem.” (Job 2:4) Setan i talem se sipos Job i harem nogud long bodi blong hem, bambae Job i mekem desisen se Jehova i no Man ya we i impoten moa long laef blong hem.
-
-
?Hu i Impoten Moa Long Laef Blong Yu?Wajtaoa—2011 | 1 Mei
-
-
a Jenesis 3:1 (NW): “Snek i waes tumas long fasin blong wokem trik, i bitim ol narafala wael anamol blong bus we Jehova God i mekem. Ale, hem i toktok long woman ya, i talem se: ‘?Olsem wanem? ?I tru we God i talem se yufala i no mas kakae frut blong evri tri blong garen ya?’”
-