-
Glad Long Presen Blong Laef!Enjoem Laef Olwe!—Baebol Kos
-
-
5. Respektem laef blong bebi we i no bon yet
Deved i tokbaot tingting we Jehova i gat long wan bebi we i stap gru long bel blong mama blong hem. Ridim Ol Sam 139:13-17, mo tokbaot kwestin ya:
Long lukluk blong Jehova, ?laef i stat wetaem, long taem we hem i bon o taem hem i jes fom long bel blong mama blong hem?
Loa we Jehova i givim long ol man Isrel i protektem ol pikinini we oli no bon yet mo mama blong olgeta. Ridim Eksodas 21:22, 23, mo tokbaot ol kwestin ya:
?Wanem tingting blong Jehova long wan man we i mestem nao i kilim bebi we i stap long bel?
?Bambae Hem i harem olsem wanem sipos wan man i minim nomo blong kilim bebi long bel?b
?Yu yu harem olsem wanem long tingting ya blong God?
Maet wan woman we i tinghae long laef, hem tu i save gat tingting ya se wan rod nomo hemia blong kilim bebi long bel. Ridim Aesea 41:10, mo tokbaot ol kwestin ya:
Sipos ol man oli fosem wan woman blong i kilim pikinini long bel, ?woman ya i save askem hu blong i givhan long hem? ?From wanem?
-
-
Glad Long Presen Blong Laef!Enjoem Laef Olwe!—Baebol Kos
-
-
b Olgeta we oli harem se oli gilti bitim mak from we oli bin kilim pikinini long bel, i gud oli tingbaot se Jehova i save fogivim olgeta. Blong save moa, luk atikol ya “?Baebol i Talem Wanem Long Saed Blong Kilim Pikinini Long Bel?” we i stap long haf ya “Faenemaot.”
-