-
Yu Save Kam Fren Blong Jehova!Enjoem Laef Olwe!—Baebol Kos
-
-
LESEN 08
Yu Save Kam Fren Blong Jehova
Jehova i wantem se yu savegud hem. ?From wanem? Hem i hop se sipos yu savegud fasin blong hem, ol rod blong hem, mo stamba tingting blong hem, bambae yu wantem kam fren blong hem. ?I tru se yu save kam fren blong God? (Ridim Ol Sam 25:14.) ?Yu save mekem wanem blong kam fren blong hem? Baebol i ansarem ol kwestin ya, mo i soem from wanem fasin fren blong yu wetem Jehova i impoten moa long ol narafala samting.
1. ?Jehova i invaetem yu blong mekem wanem?
“Yufala i mas kam klosap long God, nao hem bambae i kam klosap long yufala.” (Jemes 4:8) ?Hemia i minim wanem? Jehova i invaetem yu blong kam fren blong hem. Sam man oli ting se i had blong kam fren blong wan man we oli neva luk, olsem God. Be long Baebol, Jehova i talemaot evri fasin blong hem, blong mekem yumi kam klosap moa long hem. Taem yumi ridim mesej blong God long Baebol, bambae yumi fren moa wetem hem, nating se yumi neva luk hem.
2. ?From wanem Jehova i save kam bes Fren blong yu?
Jehova i lavem yu moa i bitim ol narafala man. Hem i wantem se yu hapi mo yu go long hem taem yu nidim help. Yu save “lego ol wari blong [yu] long hem, from we hem i kea long [yu].” (1 Pita 5:7) Jehova i rere oltaem blong sapotem, kamfotem, mo lesin long ol fren blong hem.—Ridim Ol Sam 94:18, 19.
3. ?Jehova i ekspektem wanem long ol fren blong hem?
Jehova i lavem olgeta man, “be Hem i fren gud wetem ol man we oli gat stret fasin.” (Ol Proveb 3:32) Jehova i ekspektem se ol fren blong hem oli mekem ol samting we oli gud long ae blong hem, mo oli gowe long ol samting we oli nogud. Sam man oli filim se bambae oli no naf blong folem ol rul blong Jehova long samting we i gud mo samting we i nogud. Be Jehova i gat sore. Hem i akseptem evriwan we oli rili lavem hem mo oli traem bes blong mekem Hem i glad.—Ol Sam 147:11; Ol Wok 10:34, 35.
DIGIM MOA
Lanem moa olsem wanem blong kam fren blong Jehova, mo faenemaot from wanem hem i save kam bes Fren blong yu.
4. Ebraham i fren blong Jehova
Stori blong Ebraham (nara nem blong hem Ebram), i givhan long yumi blong kasemsave se i minim wanem blong kam fren blong God. Ridim stori blong Ebraham long Jenesis 12:1-4. Biaen tokbaot ol kwestin ya:
?Jehova i askem wanem long Ebraham?
?Jehova i mekem wanem promes long hem?
?Ebraham i mekem wanem?
5. Samting we Jehova i askem long ol fren blong hem
Plante taem yumi ekspektem sam samting long ol fren blong yumi.
?Wanem sam samting we yu wantem se ol fren blong yu oli mekem blong yu?
Ridim 1 Jon 5:3, mo tokbaot kwestin ya:
?Jehova i ekspektem se ol fren blong hem oli mekem wanem?
Blong obei long Jehova, maet i nidim blong jenisim ol fasin mo tingting blong yumi. Ridim Aesea 48:17, 18, mo tokbaot kwestin ya:
?From wanem Jehova i askem se ol fren blong hem oli jenisim sam samting long laef blong olgeta?
Wan gudfala fren bambae i rimaenem yumi long ol samting we i save protektem mo givhan long yumi. Jehova i mekem sem mak long ol fren blong hem
6. Samting we Jehova i mekem blong ol fren blong hem
Jehova i halpem ol fren blong hem blong oli winim ol problem. Plei VIDEO, mo tokbaot kwestin ya.
?Olsem wanem Jehova i halpem woman ya blong i winim nogud tingting mo filing blong hem?
Ridim Aesea 41:10, 13, mo tokbaot ol kwestin ya:
?Jehova i promes se bambae hem i mekem wanem long ol fren blong hem?
?Yu ting se Jehova bambae i wan gudfala Fren? ?From wanem yu ansa olsem?
Ol gudfala fren oli halpem yu taem yu nidim help. Jehova bambae i halpem yu tu
7. Blong fren wetem Jehova, yumi mas toktok mo lesin long hem
Fasin blong storian i mekem se yumi frengud wetem narafala. Ridim Ol Sam 86:6, 11, mo tokbaot ol kwestin ya:
?Olsem wanem yumi save toktok long Jehova?
?Olsem wanem Jehova i toktok long yumi?
Yumi toktok long Jehova tru long prea, mo hem i toktok long yumi tru long Baebol
SAM MAN OLI SE: “I no posibol blong kam klosap long God.”
?Bambae yu yusum wanem vas, blong soem se yumi save kam fren blong Jehova?
SAMARI
Jehova i wantem kam Fren blong yu, mo bambae hem i halpem yu blong yu kam klosap long hem.
Tingtingbak
?Olsem wanem Jehova i halpem ol fren blong hem?
?From wanem Jehova i askem se ol fren blong hem oli jenisim sam samting long laef blong olgeta?
?Yu ting se Jehova i askem tumas samting long ol fren blong hem? ?From wanem yu ansa olsem?
FAENEMAOT
?Olsem wanem frensip blong yu wetem God i save halpem yu?
“Jeova Wan God We Yumi Mas Savegud” (Wajtaoa, 15 Februari 2003)
Lanem olsem wanem blong kam fren blong God.
“How Can I Become God’s Friend?” (Questions Young People Ask—Answers That Work, Volium 2, japta 35)
Faenemaot from wanem wan woman i filim se frensip blong hem wetem Jehova i sevem hem.
Lesin long ol yangfala taem oli talemaot filing blong olgeta long saed blong Jehova.
-
-
Baptaes i Wan Impoten Mak!Enjoem Laef Olwe!—Baebol Kos
-
-
6. Taem yumi baptaes yumi joen long famle blong Jehova
Taem yumi baptaes, yumi joen long wan bigfala famle blong Jehova long fulwol. Evri Witnes blong Jehova we oli baptaes, oli gat sem bilif mo oli folem sem rul blong Baebol, nomata wanem ples we oli kamaot long hem o bakgraon blong olgeta. Ridim Ol Sam 25:14 mo 1 Pita 2:17, mo tokbaot kwestin ya:
?Baptaes i mekem frensip blong yu wetem Jehova mo ol man blong Hem i kam olsem wanem?
-
-
?From Wanem God i Wokem Yumi?!Enjoem Laef Olwe!—Baebol Kos
-
-
2. ?Yumi mas mekem wanem blong harem gud long laef tede?
Jehova i wokem yumi long fasin we yumi “nidim [Hem] long laef” blong yumi, taswe yumi gat filing ya blong wantem save God mo wosipim hem. (Ridim Matiu 5:3-6.) Hem i wantem se yumi fren gud wetem hem, “wokbaot long olgeta rod blong hem,” “lavem hem,” mo wosipim hem “long olgeta hat” blong yumi. (Dutronome 10:12; Ol Sam 25:14) Taem yumi mekem olsem, bambae yumi kasem trufala glad nating se yumi stap fesem ol trabol. Taem yumi wosipim Jehova yumi harem se yumi gat wan gudfala risen blong laef.
-