Baebol i talem se man i ‘laef sot taem nomo mo i kasem fulap trabol.’ (Job 14:1) ?God i wantem se laef i olsem? ?Sipos no, wanem plan blong hem? ?Plan ya bambae i kamtru? Bambae yu glad long ansa we Baebol i givim.

1. ?Jehova i wantem se yumi gat wanem kaen laef?

Jehova i wantem se yumi gat wan gudfala laef. Taem hem i wokem tufala faswan man, Adam mo Iv, hem i putum tufala long wan naesfala paradaes, hemia garen blong Iden. Biaen “God i blesem [tufala], mo i talem se: ‘Yufala i mas gat ol pikinini mo yufala i kam plante mo fulumap wol, mo mekem ol samting long wol ya oli stap aninit long han blong yufala.’” (Jenesis 1:28) Jehova i wantem se tufala i gat ol pikinini, mekem fulwol i kam wan paradaes, mo lukaotgud long ol animol. Stamba plan blong hem, i blong olgeta man oli helti mo enjoem laef olwe.

Nating se laef i no olsem tede,a be stamba plan o tingting blong God i no jenis. (Aesea 46:10, 11) Hem i wantem se ol gudfala man oli laef olwe long wan naesfala ples.—Ridim Revelesen 21:3, 4.

2. ?Yumi mas mekem wanem blong harem gud long laef tede?

Jehova i wokem yumi long fasin we yumi “nidim [Hem] long laef” blong yumi, taswe yumi gat filing ya blong wantem save God mo wosipim hem. (Ridim Matiu 5:3-6.) Hem i wantem se yumi fren gud wetem hem, “wokbaot long olgeta rod blong hem,” “lavem hem,” mo wosipim hem “long olgeta hat” blong yumi. (Dutronome 10:12; Ol Sam 25:14) Taem yumi mekem olsem, bambae yumi kasem trufala glad nating se yumi stap fesem ol trabol. Taem yumi wosipim Jehova yumi harem se yumi gat wan gudfala risen blong laef.

3. Jehova i wantem se ol man oli gat wan gudfala laef

Plei VIDEO, mo tokbaot kwestin ya.

VIDEO: ?God i Wokem Wol Ya Blong Wanem?—Wan Smol Haf (1:41)

• ?From wanem God i wokem wol blong i naes olsem?

Ridim Prija 3:11, mo tokbaot kwestin ya:

• ?Vas ya i tijim wanem long saed blong Jehova?

4. Stamba tingting blong Jehova i no jenis

Ridim Ol Sam 37:11, 29 mo Aesea 55:11, mo tokbaot kwestin ya:

• ?Olsem wanem yumi save se stamba tingting blong Jehova i no jenis?

5. Yumi gat risen blong laef taem yumi wosipim Jehova

VIDEO: Mi Lanem Mining Blong Laef (5:03)

• Taem Terumi i kasemsave mining blong laef, ?hemia i givhan long hem olsem wanem?

Ridim Prija 12:13, mo tokbaot kwestin ya:

• Jehova i mekem plante samting blong yumi, ?olsem wanem yumi soem tangkiu long hem?

SAMARI

Jehova i wantem se yumi enjoem laef we i stret gud olgeta long wol ya foreva. Mo tede, taem yumi wosipim hem long fulhat blong yumi, yumi harem se laef blong yumi i gat mining.

Tingtingbak

• ?Wanem plan blong God long saed blong Adam mo Iv?

• ?Olsem wanem yumi save se stamba tingting blong God long saed blong man i no jenis?

• ?Yu save mekem wanem blong faenem tru mining blong laef?

FAENEMAOT

Faenemaot ol pruf we i soem se garen blong Iden i tru.

“Stori Blong Gudfala Ples Ya Long Iden—?Hem i Tru Stori No Kastom Stori?” (Wajtaoa, 1 Februari 2011)

Lanem from wanem yumi sua se wol bambae i stap foreva.

“?Wol Bambae i Lus Samtaem?” (Web atikol)

Jekem samting we Baebol i talem long saed blong mining blong laef.

“?Wanem Mining Blong Laef?” (Web atikol)

Luk olsem wanem wan man we i gat evri samting long laef, i harem se i misim wan samting.

Naoia Mi Gat Risen Blong Laef (3:55)

2. ?Hu i rul wetem Jisas?

Jisas i no rul hem wan. Ol man blong “olgeta traeb, mo long olgeta lanwis, mo long olgeta grup blong man, mo long olgeta nesen . . . bambae oli king, oli rul long olgeta man long wol.” (Revelesen 5:9, 10) ?Hamas man bambae oli rul wetem Kraes? Taem Jisas i stap long wol kam kasem naoia, plante milian Kristin oli kam man blong hem. Be 144,000 man nomo oli go long heven blong rul wetem Jisas. (Ridim Revelesen 14:1-4.) Ol narafala Kristin we oli stap long wol oli kam sitisen blong Kingdom ya.—Ol Sam 37:29.

Kingdom blong God i rul finis mo i no longtaem bambae hem i mekem ol bigfala jenis long wol ya. Bambae yumi tokbaot sam long ol gudfala samting we yu save kasem taem Kingdom i rul.

1. ?Olsem wanem Kingdom bambae i putumbak pis mo jastis long wol ya?

Jisas we i King long Kingdom blong God, bambae i distroem ol rabis man mo ol gavman long faet blong Amagedon. (Revelesen 16:14, 16) Long taem ya, promes ya se: “I no longtaem, ol man nogud bambae oli lus,” bambae i kamtru. (Ol Sam 37:10) Jisas bambae i yusum Kingdom blong mekem pis mo jastis i stap long fulwol.—Ridim Aesea 11:4.

2. ?Taem wil blong God i kamtru, laef bambae i olsem wanem?

Aninit long rul blong Kingdom, “ol stret man bambae oli tekem wol ya i blong olgeta, mo bambae oli stap long hem blong olwe.” (Ol Sam 37:29) Tingbaot se yu laef long wan wol we evriwan i stret gud, oli lavem Jehova, mo oli lavlavem olgeta. I nogat wan we i sik, mo evriwan bambae oli laef olwe.

3. ?Kingdom bambae i mekem wanem afta we ol rabis man oli lus?

Afta we ol rabis man oli lus, Jisas bambae i rul olsem King blong 1,000 yia. Long taem ya, hem wetem 144,000 man we oli rul wetem hem, bambae oli halpem ol man long wol blong oli no moa gat sin mo kam stretgud olgeta. Long en blong 1,000 yia ya, wol ya bambae i kam wan naesfala paradaes, mo ol man we oli laef long taem ya oli haremgud tumas from we oli obei long ol loa blong Jehova. Nao Jisas bambae i givimbak rul i go long Papa blong hem Jehova. Mo Jehova bambae i “mekem we nem blong [hem] i tabu” fulwan. (Matiu 6:9, 10) Samting ya bambae i pruvum se Jehova i wan gudfala rula we i kea long ol man we hem i rulum olgeta. Nao bambae Jehova i distroem Setan, ol dimon, mo ol man we oli jusum blong rebel agensem rul blong hem. (Revelesen 20:7-10) Ol gudfala samting we Kingdom blong God bambae i mekem, bambae oli stap blong olwe.

DIGIM MOA

4. Kingdom bambae i finisim ol gavman blong man

“Sam man oli bos mo ol narafala man we oli stap aninit long olgeta, oli stap harem nogud.” (Prija 8:9) Jehova bambae i yusum Kingdom blong stretem ol problem mo putumbak jastis.

Ridim Daniel 2:44 mo 2 Tesalonaeka 1:6-8, mo tokbaot ol kwestin ya:

• ?Bambae Jehova mo Jisas i mekem wanem long ol rula blong wol wetem ol sapota blong olgeta?

• Folem samting we yu lanem long saed blong Jehova mo Jisas, ?wanem i pruvum long yu se bambae tufala i mekem i stret long ol man?

5. Jisas i beswan King

Olsem King long Kingdom blong God, Jisas bambae i mekem plante samting blong halpem ol man blong hem long wol. Plei VIDEO blong luk olsem wanem Jisas i soemaot finis se hem i wantem mo i gat paoa blong halpem ol man.

VIDEO: Jisas i Soem Samting We Kingdom Bambae i Mekem (1:13)

Taem Jisas i stap long wol hem i soemaot samting we Kingdom bambae i mekem. Long lis we i stap, ?weswan blesing we yu yu wantem tumas blong luk? Ridim ol vas we oli stap long lis ya.

6. Kingdom blong God bambae i givim wan nambawan fiuja

VIDEO: Luk Nambawan Fiuja Ya (4:38)

Ridim Ol Sam 145:16, mo tokbaot kwestin ya:

• ?Yu yu harem olsem wanem taem yu save se Jehova bambae i “givim samting we olgeta laef samting oli wantem tumas”?

SAMARI

Kingdom blong God bambae i mekem evri samting we hem i plan blong mekem. Bambae i mekem fulwol i kam paradaes, we i fulap long ol gudfala man we bambae oli wosipim Jehova gogo i no save finis.

Tingtingbak

• ?Olsem wanem Kingdom blong God bambae i mekem nem blong Jehova i tabu fulwan?

• ?From wanem yumi sua se Kingdom bambae i mekem ol promes blong Baebol oli kamtru?

• ?Wanem blesing blong Kingdom we yu wantem tumas blong luk?

FAENEMAOT

Faenemaot mining blong Amagedon.

“?Wanem Ya Faet Blong Amagedon?” (Web atikol)

Faenemaot samting we bambae i hapen long taem ya we Jisas i tokbaot se taem blong “bigfala trabol.”—Matiu 24:21.

“?Wanem Ya Taem Blong Bigfala Trabol?” (Web atikol)

Luk olsem wanem ol famle oli save pijarem olgeta long taem we Kingdom i rul.

Pijarem Yu Wan Long Paradaes (1:50)

Insaed long haf ya “I Was Troubled by Many Questions,” lanem olsem wanem wan man blong politik i faenem ansa we hem i stap lukaotem.

“The Bible Changes Lives” (Wajtaoa, 1 Jenuware 2012)