20. ?Yumi save mekem wanem blong storian wetem wan man we i sem blong toktok?

²⁰ ?Olsem wanem sipos i luk olsem se narafala i no intres taem yu storian long ol samting long saed blong spirit? Yu no mas stop. Maet yu save faenem wan narafala taem we i moa gud long hem blong tokbaot ol samting ya. Solomon i talem se: “Tok we wan man i talem long prapa taem blong hem, i olsem sam gol apol long wan plet selva.” (Ol Proveb 25:​11, NW) Yu mas gat kaen fasin mo traem kasem save long filing blong ol man we oli sem blong toktok. “Ol tingting blong man i olsem wota long wel, we i godaon we i godaon, be man we i save luksave ol had samting, hem i save faenemaot ol tingting olsem.”a (Ol Proveb 20:5) Antap moa, yu neva mas letem tingting blong ol narafala i blokem yu blong yu no tokbaot ol samting we oli tajem hat blong yu.