• Mekem Ol Gudfala Desisen
    !Enjoem Laef Olwe!​—Baebol Kos

    • 5. Respektem tingting blong ol narafala

      Desisen blong wanwan man bambae i defren. ?Olsem wanem yumi save soemaot se yumi respektem tingting blong narafala? Bae yumi luk tu situesen:

      Situesen 1: Wan sista we i laekem blong flasem hem, i muv i go long wan kongregesen we ol sista oli harem i narakaen taem wan i flasem hem tumas.

      Ridim Rom 15:1 mo 1 Korin 10:23, 24, mo tokbaot ol kwestin ya:

      • Folem ol vas ya, ?sista ya save i mekem wanem? ?Bambae yu yu mekem wanem sipos yu stap wetem wan we tingting blong hem i defren long tingting blong yu?

      Situesen 2: Wan brata i save we Baebol i no blokem fasin ya blong dring alkol, be hem i jusum blong no dring alkol. Oli invaetem hem blong joen wetem ol narafala mo hem i luk we sam brata oli stap dring alkol.

      Ridim Prija 7:16 mo Rom 14:1, 10, mo tokbaot ol kwestin ya:

      • Folem ol vas ya, ?brata ya save i mekem wanem? ?Bambae yu mekem wanem sipos yu stap wetem wan we tingting blong hem i defren long tingting blong yu?

      ?Wanem i save lidim yu blong mekem ol gudfala desisen?

      Wan woman i stap prea.

      1. Askem Jehova blong i halpem yu blong mekem wan desisen.—Jemes 1:5.

      Sem woman ya i yusum Baebol, ol buk mo wan kompiuta blong mekem risej.

      2. Mekem risej long Baebol mo ol buk we oli stanap long Baebol, blong faenem ol rul we yu save folem. Yu save storian tu wetem ol Kristin we oli gat moa ekspiriens.

      Sem woman ya i stap tingting.

      3. Tingbaot olsem wanem desisen blong yu bambae i afektem tingting blong yu mo tingting blong ol narafala.