-
Folem Eksampol Blong DanielWajtaoa (Stadi)—2023 | Ogis
-
-
6. ?Wanem i halpem Daniel blong gat strong tingting?
6 ?Wanem i halpem Daniel blong gat strong tingting long ful laef blong hem? Yumi sua se gudfala eksampol blong papa mo mama blong hem i givhan long hem. Tufala i obei long ol tok we Jehova i givim long ol man Isrel blong tijim ol pikinini blong olgeta long ol loa blong Jehova. (Dut. 6:6-9) Daniel i savegud ol Ten Komanmen, wetem ol smosmol samting long saed blong loa, olsem ol samting we ol man Isrel oli save kakae mo oli no save kakae.b (Lev. 11:4-8; Dan. 1:8, 11-13) Mo tu, Daniel i lanem histri blong ol man blong Jehova mo samting we i save hapen taem man i no obei. (Dan. 9:10, 11) Ol ekspiriens we Daniel i gat long ful laef blong hem, oli mekem hem i sua se nomata wanem samting i hapen, Jehova mo ol enjel bambae oli halpem hem.—Dan. 2:19-24; 10:12, 18, 19.
-
-
Folem Eksampol Blong DanielWajtaoa (Stadi)—2023 | Ogis
-
-
b I gat tri risen we i mekem se Daniel i no save kakae ol kakae blong Babilon: (1) Maet hemia ol animol we Jehova i talem se oli no mas kakae. (Dut. 14:7, 8) (2) Maet oli no letem blad i ronaot long animol. (Lev. 17:10-12) (3) Sipos hem i kakae ol kakae ya, i olsem we hem tu i joen long ol giaman wosip.—Skelem wetem Levitikas 7:15 mo 1 Korin 10:18, 21, 22.
-