• Mekem Hem i Kam Brata Blong Yu Bakegen
    Wajtaoa—1999 | 15 Oktoba

    • 5, 6. ?Matiu 18:15 i laenap moa wetem wanem kaen sin, mo wanem i soemaot samting ya long yumi?

      5 Be, blong talem stret, ol advaes we Jisas i tokbaot oli laenap moa wetem ol bigfala problem. Jisas i talem se: “Sipos brata blong yu i mekem [“sin,” NW].” Plante taem, tok ya “sin” i save minim nomo wan mastik no rong. (Job 2:​10; Ol Proveb 21:4; Jemes 4:​17) Be, ol vas raonabaot long tok ya oli soemaot se long ples ya, sin we Jisas i tokbaot i stap minim wan bigfala mastik. Sin ya i bigwan naf blong mekem se man blong hem i kam olsem “wan hiten man, no wan man blong tekem mane blong takis.” ?Tok ya i minim wanem?

      6 Ol disaepol blong Jisas we oli harem ol tok ya oli save se ol manples blong olgeta oli no save meks wetem ol Hiten man. (Jon 4:9; 18:28; Ol Wok 10:28) Mo oli no wantem joen tu, wetem ol man blong tekem mane blong takis from we hemia ol man Jiu we biaen oli mekem nogud bakegen long ol manples blong olgeta. Taswe, tok blong Matiu 18:15-​17 i laenap wetem ol bigfala sin, i no jes ol smosmol rong no mastik we narafala i mekem long yumi, we yumi save fogivim nomo mo fogetem.​—Matiu 18:21, 22.a

  • Mekem Hem i Kam Brata Blong Yu Bakegen
    Wajtaoa—1999 | 15 Oktoba

    • a Cyclopedia blong McClintock mo Strong i talem se: “Ol [man blong tekem takis], we Niu Test[eman] i tokbaot, oli ol giaman fren mo man blong apostasi, we oli kam doti from we oli kampani oltaem wetem ol hiten man, oli olsem tul we ol man nogud oli stap yusum. Oli stap long kampani blong ol sinman . . . Oli stap olgeta nomo, ol man we laef blong olgeta i stret oli no wantem kampani wetem olgeta, from samting ya oli fren mo kampani nomo wetem ol man olsem olgeta, we ol narafala oli sakemaot olgeta.”