-
‘Yufala i Mas Gohed Blong Fofogivim Yufala’Wajtaoa—1997 | 1 Disemba
-
-
1. (a) Taem Pita i askem sipos i gud blong fogivim ol narafala “go kasem seven taem,” ?from wanem maet hem i ting se fasin ya i gud tumas? (b) ?Jisas i minim wanem taem hem i talem se yumi mas fogivim narafala ‘go kasem sevente-seven taem’?
?MASTA, sipos brata blong mi i stap mekem i no stret long mi, mi mi mas fogivim hem hamas taem? ?I save go kasem seven taem?” (Matyu 18:21) Taem Pita i talem olsem, ating hem i tingting se long fasin ya hem i stap mekem i gud tumas long ol narafala. Long taem ya, kastom blong ol tija blong loa hemia se, sipos wan man i mekem semfala rong long yumi bakegen mo bakegen, yumi mas fogivim hem go kasem tri taem nomo.a !Taswe, tingbaot olsem wanem Pita i sapraes bigwan taem Jisas i ansa se: “Mi mi no save talem se seven taem nomo. Yu save mekem sevente-seven taem we yu stap fogivim hem”! (Matyu 18:22, NW) From we Jisas i yusum namba ya seven, i olsem we hem i minim se fasin fogif i mas gohed “gogo i no save finis.” Long tingting blong Jisas, i no gat wan stret namba we i makemaot hamas taem ol Kristin oli mas fogivim narafala.
-
-
‘Yufala i Mas Gohed Blong Fofogivim Yufala’Wajtaoa—1997 | 1 Disemba
-
-
a Buk ya Talmud blong ol man Babilon, i tokbaot kastom blong ol tija blong loa, i se: “Sipos wan man i spolem brata blong hem, hem i save kasem fogif wan taem, tu taem mo long namba tri taem. Be, long namba fo taem, hem i no moa save kasem fogif.” (Yoma 86b) Kastom ya i stanap long tingting we i no stret long saed blong mining blong sam vas blong Baebol, olsem Emos 1:3; 2:6; mo Job 33:29.
-