LAV MO TINGTING DAON I SAVE WINIM

8. ?Wanem stamba trutok i mekem se yumi joen gud? Eksplenem.

⁸ Jisas i talem wan stamba trutok we i mekem se yumi joengud. Hem i talem long ol disaepol se: “Yufala evriwan i brata.” (Ridim Matiu 23:8, 9.) I tru, yumi evriwan i brata from we yumi evriwan i pikinini blong Adam. (Ol Wok 17:26) Mo tu, Jisas i eksplenem se ol disaepol oli brata mo sista from we Jehova i Papa blong olgeta. (Matiu 12:50) Olgeta evriwan oli stap long bigfala famle blong God, nao lav mo bilif i mekem se oli joen gud. From samting ya, long ol leta we ol aposol oli raetem, oli singaot ol narafala Kristin se ol brata.—Rom 1:13; 1 Pita 2:17; 1 Jon 3:13.a