-
?Oli Talemaot Gud Nius Olsem Wanem?!Enjoem Laef Olwe!—Baebol Kos
-
-
LESEN 21
?Oli Talemaot Gud Nius Olsem Wanem?
I no longtaem, Jehova bambae i yusum Kingdom blong hem blong finisim olgeta problem blong yumi. Nius ya i gud tumas mo evriwan i nidim blong save. !Jisas i wantem se ol man blong hem oli talemaot mesej ya long olgeta man! (Matiu 28:19, 20) ?Olsem wanem ol Witnes oli mekem samting ya?
1. ?Olsem wanem Matiu 24:14 i stap kamtru tede?
Jisas i talem se: “Ol man bambae oli talemaot gud nius ya blong Kingdom long olgeta ples long wol.” (Matiu 24:14) Ol Witnes blong Jehova oli glad nomo blong mekem impoten wok ya. !Mifala i talemaot gud nius long bitim 1,000 lanwis long fulwol! Bigfala wok ya i nidim blong oganaesem gud mo wok strong long hem. Mifala i no save mekem sipos Jehova i no givhan long mifala.
2. ?Olsem wanem mifala i traem kasem olgeta man?
Mifala i prij long eni ples we mifala i save faenem ol man. Mifala i prij “long ol haos wanwan,” olsem ol fas Kristin oli mekem. (Ol Wok 5:42) Long rod ya, evri yia, mifala i save kasem plante milian man. Mifala i prij tu long ol pablik ples from we ol man oli no stap oltaem long haos. Mifala i lukaot janis oltaem blong tokbaot Jehova mo stamba tingting blong hem.
3. ?Hu i gat responsabiliti ya blong talemaot gud nius?
Evri tru Kristin oli gat responsabiliti ya blong talemaot gud nius. Mifala i tinghae long responsabiliti ya. Mifala i prij plante olsem we mifala i naf blong mekem, from we hemia i save sevem laef blong ol man. (Ridim 1 Timoti 4:16.) Mifala i no kasem pei long wok ya, from we Baebol i talem se: “Yufala i kasem fri nomo, mo yufala i mas givim fri nomo.” (Matiu 10:7, 8) I no evri man we oli akseptem mesej blong mifala, be mifala i gohed nomo from we hemia i pat blong wosip blong mifala mo i mekem Jehova i glad.
DIGIM MOA
Save moa long wok blong prij we ol Witnes blong Jehova oli mekem long fulwol, mo luk olsem wanem Jehova i halpem mifala.
Prij raon long fulwol: (A) Kosta Rika, (B) Yunaeted Stet, (C) Benin, (D) Taelan, (E) Yap, (F) Swiden
4. Mifala i wok strong blong kasem olgeta man
Ol Witnes blong Jehova oli traehad blong talemaot gud nius long olgeta ples. Plei VIDEO, mo tokbaot kwestin ya.
?Wanem ol samting we yu laekem long wok blong prij we ol Witnes blong Jehova oli mekem?
Ridim Matiu 22:39 mo Rom 10:13-15, mo tokbaot ol kwestin ya:
?Olsem wanem wok blong prij i soemaot se mifala i lavem ol neba?
?Jehova i harem olsem wanem long ol man blong talemaot gud nius?—Luk vas 15.
5. Mifala i wok wetem God
Plante ekspiriens i soem se Jehova i lidim wok blong mifala. Eksampol, long wan moning, wan woman i prea long Jehova mo i askem sipos wan man i save visitim hem. Long aftenun, brata Pol long Niusilan, i stap prij long haos wanwan mo i mitim woman ya. Pol i se “Tri aoa biaen, mi stap finis long doa blong woman ya.”
Ridim 1 Korin 3:9, mo tokbaot kwestin ya:
?Olsem wanem ol ekspiriens olsem hemia antap, i soem se Jehova i stap lidim wok blong prij?
Ridim Ol Wok 1:8, mo tokbaot kwestin ya:
?From wanem mifala i nidim help blong Jehova blong mekem wok blong prij?
?Yu yu save?
Long evri miting blong wik, mifala i kasem ol trening blong prij. Sipos yu bin luk finis, ?wanem tingting blong yu long ol trening ya?
6. Mifala i obei long Jehova nao mifala i prij
Long taem blong ol fas Kristin, ol man blong agens oli traem stopem ol man blong Jisas blong oli no prij. Ol fas Kristin oli “yusum loa blong soemaot raet . . . blong talemaot gud nius.” (Filipae 1:7) Ol Witnes blong Jehova oli mekem sem mak tede.a
Ridim Ol Wok 5:27-42, mo tokbaot ol kwestin ya:
MAET MAN I ASKEM SE: “?From wanem ol Witnes blong Jehova oli stap go long haos blong ol man?”
?Bambae yu ansa olsem wanem?
SAMARI
Jisas i talem long ol man blong hem blong talemaot gud nius long olgeta nesen. Jehova i halpem ol man blong hem blong mekem wok ya.
Tingtingbak
?Olsem wanem oli mekem wok ya blong talemaot gud nius?
?Olsem wanem wok blong prij i soemaot se mifala i lavem ol neba?
?Yu ting se wok blong prij i save mekem yumi glad? ?From wanem?
FAENEMAOT
Luk olsem wanem ol Witnes blong Jehova oli prij long ol bigfala taon.
?Ol Witnes blong Jehova oli mekem wanem blong halpem ol refuji?
Wan woman we i prij fultaem i eksplenem from wanem hem i glad long wok ya.
Ridim risal blong sam impoten kes we i givhan long wok blong talemaot gud nius.
“Ol Man Blong Talemaot Kingdom Oli Pas Long Kot” (!Kingdom Blong God i Rul!, japta 13)
a God nao i givim raet long mifala blong prij, taswe ol Witnes blong Jehova oli no nidim pemisen blong ol man blong mekem wok ya.
-
-
!Kingdom Blong God i Stap Rul Naoia!!Enjoem Laef Olwe!—Baebol Kos
-
-
5. Ol samting long wol oli jenis stat long 1914
Jisas i tokbaot ol samting we bambae oli hapen afta we hem i kam King. Ridim Luk 21:9-11, mo tokbaot kwestin ya:
?Weswan long ol samting ya we yu bin luk se i hapen?
Aposol Pol i tokbaot fasin we ol man bambae oli gat long lasdei blong rul blong ol man. Ridim 2 Timoti 3:1-5, mo tokbaot kwestin ya:
?Weswan long ol fasin ya we yu makem long ol man tede?
6. Rul blong Kingdom i mas pulum yumi blong mekem sam samting
Ridim Matiu 24:3, 14, mo tokbaot ol kwestin ya:
?Wanem wok i soem se Kingdom blong God i rul finis?
?Olsem wanem yu save joen long wok ya?
Kingdom blong God i stap rul naoia, mo dei ya we bambae hem i rulum fulwol i klosap. Ridim Hibru 10:24, 25, mo tokbaot kwestin ya:
?Yumi evriwan i mas mekem wanem taem yumi “luk we dei ya i stap kam klosap”?
Sipos samting we yu lanem i save halpem mo sevem narafala, ?bambae yu mekem wanem?
-