3. ?Long tok blong Jisas, hem i bin talem se wanem bambae i kamaot stret afta we bigfala trabol i stat?

³ Jisas i tokbaot ol bigfala samting we bambae oli kamaot ‘stret afta’ we bigfala trabol i faerap. Hemia ol samting we yumi stap wet long olgeta. Hem i talem se biaen, bambae ol man oli luk “saen blong mi, mi Pikinini blong Man.” Bambae samting ya i gat bigfala paoa long “olgeta laen blong ol man blong wol” we bambae oli ‘luk Pikinini blong Man, i kamaot long ol klaod blong skae, wetem olgeta paoa we hem i gat, mo long bigfala laet we i saenaot raonabaot long hem.’ Bambae Pikinini blong Man i kam wetem ‘ol enjel blong hem.’ (Matyu 24:​21, 29-31)a ?Olsem wanem long parabol blong ol sipsip mo ol nani? Long ol Baebol blong tede, parabol ya i stap long japta 25. Be hem i haf blong ansa blong Jisas, we i givim moa save long saed blong taem ya we bambae hem i kam wetem bigfala paoa blong hem. Mo tu, parabol ya i makem se bambae hem i jajem “olgeta man blong wol.”​—Matyu 25:32.

MAKEM OL SAMTING WE OLI SEM MAK

Matyu 24:​29-31 Matyu 25:​31-33

Afta we bigfala trabol i stat, Pikinini blong man bambae