Maet Paelat i wantem mekem i stret, be hem i wantem tu blong lukaotgud long posisen blong hem mo blong mekem ol man oli glad. Taswe, hem i no lesin long tingting blong hem we i stap stikim hem, mo i no tingbaot stret fasin blong jajem man. Hem i tingbaot posisen blong hem fastaem. Ale hem i singaot ol man blong oli karem wan besin wota i kam long hem, nao hem i wasem han blong hem, olsem wan saen blong soemaot se hem i no gat poen from ded blong Jisas.a Paelat i luksave se Jisas i no mekem wan rong. Nating se i olsem, hem i givim oda blong oli wipim Jisas, mo hem i letem ol soldia oli mekem plei long hem, kilim hem, mo spet long hem.​—Matiu 27:​24-31.