-
Ol Tru Kristin Oli Mas BaptaesWajtaoa Stadi—2018 | Maj
-
-
5. ?Bambae yumi tokbaot wanem long stadi ya?
5 Naoia we yumi kasem save se baptaes i impoten tumas, bambae yumi tokbaot trifala kwestin ya: ?Baebol i talem wanem long saed blong baptaes? ?Bifo we man i baptaes, hem i mas mekem wanem? ?From wanem yumi mas tingbaot se baptaes i impoten tumas, taem yumi tijim pikinini o Baebol stadi?
-
-
Ol Tru Kristin Oli Mas BaptaesWajtaoa Stadi—2018 | Maj
-
-
8. (1) ?Taem Jisas i laef bakegen, hem i talem se ol man blong hem oli mas mekem wanem? (2) ?From wanem ol Kristin oli mas baptaes?
8 Taem Jisas i laef bakegen long yia 33, hem i toktok long bitim 500 man, woman, mo maet ol pikinini tu. Ating long taem ya nao hem i talem se: “Yufala i mas go long ol man blong olgeta neson, yufala i pulum olgeta oli kam disaepol blong mi, mo yufala i baptaesem olgeta long nem blong Papa mo long nem blong Pikinini mo long nem blong tabu spirit. Mo yufala i tijim olgeta blong oli folem olgeta tok ya we mi mi talem finis long yufala.” (Matiu 28:19, 20; 1 Korin 15:6) Jisas i talem long ol man blong hem se oli mas mekem disaepol. Olgeta we oli wantem kam disaepol, o karem “yok” blong hem, oli mas baptaes. (Matiu 11:29, 30) Sipos wan man i wantem mekem wosip we God i glad long hem, hem i mas bilif se God i stap yusum Jisas blong mekem wil blong hem i kamtru. Biaen hem i save baptaes, nao God bambae i glad long hem. I gat plante pruf long Baebol we i soemaot se ol disaepol blong Jisas bifo, oli save se i impoten blong baptaes. Oli no gat tingting blong wet longtaem tumas blong baptaes.—Ol Wok 2:41; 9:18; 16:14, 15, 32, 33.
-