I no longtaem, Jehova bambae i yusum Kingdom blong hem blong finisim olgeta problem blong yumi. Nius ya i gud tumas mo evriwan i nidim blong save. !Jisas i wantem se ol man blong hem oli talemaot mesej ya long olgeta man! (Matiu 28:19, 20) ?Olsem wanem ol Witnes oli mekem samting ya?

1. ?Olsem wanem Matiu 24:14 i stap kamtru tede?

Jisas i talem se: “Ol man bambae oli talemaot gud nius ya blong Kingdom long olgeta ples long wol.” (Matiu 24:14) Ol Witnes blong Jehova oli glad nomo blong mekem impoten wok ya. !Mifala i talemaot gud nius long bitim 1,000 lanwis long fulwol! Bigfala wok ya i nidim blong oganaesem gud mo wok strong long hem. Mifala i no save mekem sipos Jehova i no givhan long mifala.

2. ?Olsem wanem mifala i traem kasem olgeta man?

Mifala i prij long eni ples we mifala i save faenem ol man. Mifala i prij “long ol haos wanwan,” olsem ol fas Kristin oli mekem. (Ol Wok 5:42) Long rod ya, evri yia, mifala i save kasem plante milian man. Mifala i prij tu long ol pablik ples from we ol man oli no stap oltaem long haos. Mifala i lukaot janis oltaem blong tokbaot Jehova mo stamba tingting blong hem.

3. ?Hu i gat responsabiliti ya blong talemaot gud nius?

Evri tru Kristin oli gat responsabiliti ya blong talemaot gud nius. Mifala i tinghae long responsabiliti ya. Mifala i prij plante olsem we mifala i naf blong mekem, from we hemia i save sevem laef blong ol man. (Ridim 1 Timoti 4:16.) Mifala i no kasem pei long wok ya, from we Baebol i talem se: “Yufala i kasem fri nomo, mo yufala i mas givim fri nomo.” (Matiu 10:7, 8) I no evri man we oli akseptem mesej blong mifala, be mifala i gohed nomo from we hemia i pat blong wosip blong mifala mo i mekem Jehova i glad.

DIGIM MOA

4. Mifala i wok strong blong kasem olgeta man

VIDEO: Prij Long “Olgeta Ples Long Wol” (7:33)

• ?Wanem ol samting we yu laekem long wok blong prij we ol Witnes blong Jehova oli mekem?

Ridim Matiu 22:39 mo Rom 10:13-15, mo tokbaot ol kwestin ya:

• ?Olsem wanem wok blong prij i soemaot se mifala i lavem ol neba?

• ?Jehova i harem olsem wanem long ol man blong talemaot gud nius?—Luk vas 15.

5. Mifala i wok wetem God

Plante ekspiriens i soem se Jehova i lidim wok blong mifala. Eksampol, long wan moning, wan woman i prea long Jehova mo i askem sipos wan man i save visitim hem. Long aftenun, brata Pol long Niusilan, i stap prij long haos wanwan mo i mitim woman ya. Pol i se “Tri aoa biaen, mi stap finis long doa blong woman ya.”

Ridim 1 Korin 3:9, mo tokbaot kwestin ya:

• ?Olsem wanem ol ekspiriens olsem hemia antap, i soem se Jehova i stap lidim wok blong prij?

Ridim Ol Wok 1:8, mo tokbaot kwestin ya:

• ?From wanem mifala i nidim help blong Jehova blong mekem wok blong prij?

?Yu yu save?

Long evri miting blong wik, mifala i kasem ol trening blong prij. Sipos yu bin luk finis, ?wanem tingting blong yu long ol trening ya?

6. Mifala i obei long Jehova nao mifala i prij

Long taem blong ol fas Kristin, ol man blong agens oli traem stopem ol man blong Jisas blong oli no prij. Ol fas Kristin oli “yusum loa blong soemaot raet . . . blong talemaot gud nius.” (Filipae 1:7) Ol Witnes blong Jehova oli mekem sem mak tede.a

VIDEO: Yusum Loa Blong Difendem Gud Nius (2:28)

Ridim Ol Wok 5:27-42, mo tokbaot ol kwestin ya:

• ?From wanem bambae mifala i no stop blong prij?—Luk vas 29, 38, mo 39.

SAMARI

Jisas i talem long ol man blong hem blong talemaot gud nius long olgeta nesen. Jehova i halpem ol man blong hem blong mekem wok ya.

Tingtingbak

• ?Olsem wanem oli mekem wok ya blong talemaot gud nius?

• ?Olsem wanem wok blong prij i soemaot se mifala i lavem ol neba?

• ?Yu ting se wok blong prij i save mekem yumi glad? ?From wanem?

FAENEMAOT

Luk olsem wanem ol Witnes blong Jehova oli prij long ol bigfala taon.

Prij Long Bisi Taon Blong Paris (5:11)

?Ol Witnes blong Jehova oli mekem wanem blong halpem ol refuji?

Givim Wota Blong Trutok Long Ol Refuji (5:59)

Wan woman we i prij fultaem i eksplenem from wanem hem i glad long wok ya.

Mi Glad Se Mi Jusum Wok Ya (6:29)

Ridim risal blong sam impoten kes we i givhan long wok blong talemaot gud nius.

“Ol Man Blong Talemaot Kingdom Oli Pas Long Kot” (!Kingdom Blong God i Rul!, japta 13)

Jisas i tijim se olgeta Kristin oli mas baptaes. (Ridim Matiu 28:19, 20.) ?Be baptaes i minim wanem? ?Mo man i mas mekem wanem blong kasem mak ya?

1. ?Oli baptaes olsem wanem?

Tok ya “baptaes” i kam long wan Grik tok we i minim “draonem” aninit long wota. Taem Jisas i baptaes, bodi blong hem i draon fulwan long Jodan Reva, mo biaen hem i “kamaot long wota.” (Mak 1:9, 10) Sem mak, wan tru Kristin i baptaes taem bodi blong hem i draon fulwan long wota.

2. ?Baptaes i soem wanem?

Taem man i baptaes, hem i soem se hem i bin givim laef blong hem long Jehova God. ?Hem i givim laef blong hem olsem wanem? Bifo we hem i baptaes, hem i prea long Jehova mo talemaot se hem i wantem mekem wok blong Hem blong olwe. Hem i promes se bambae hem i wosipim Jehova nomo mo bambae hem i mekem wok blong Jehova i stap fasples long laef blong hem. Hem i jusum blong “blokem ol samting we hem nomo i wantem . . . mo hem i mas folem” eksampol mo ol tijing blong Jisas oltaem. (Matiu 16:24) Taem hem i givim laef blong hem mo i baptaes, hemia i openem rod blong kam fren blong Jehova mo ol man blong Hem.

3. ?Wan man i mas mekem wanem blong i save baptaes?

Bifo we wan man i baptaes, hem i mas savegud Jehova mo bilif strong long hem. (Ridim Hibru 11:6.) Sipos save mo bilif blong yu i kam bigwan moa, bambae yu lavem Jehova moa. Nao bambae yu wantem tokbaot hem mo folem ol loa blong hem. (2 Timoti 4:2; 1 Jon 5:3) Taem fasin blong man i “stret olsem we Jehova i wantem, blong mekem hem i glad” bambae man ya i wantem blong givim laef blong hem long God mo baptaes.—Kolosi 1:9, 10.a

DIGIM MOA

4. Baptaes blong Jisas i tijim yumi

Ridim Matiu 3:13-17 blong save moa long saed blong baptaes blong Jisas. Biaen tokbaot ol kwestin ya:

• ?Jisas i baptaes taem hem i wan bebi nomo?

• ?Hem i baptaes olsem wanem, oli saksakem smol wota nomo long hem?

Jisas i statem spesel wok we God i givim long hem, taem hem i baptaes. Ridim Luk 3:21-23 mo Jon 6:38, mo tokbaot kwestin ya:

• ?Wanem wok i kam fasples long laef blong Jisas, afta we hem i baptaes?

5. Yu yu naf blong kasem mak ya blong baptaes

Fastaem, maet yu fraet blong givim laef blong yu mo baptaes. Be taem yu gohed moa bambae yu harem se yu naf blong tekem impoten desisen ya. Blong luk sam man we oli mekem olsem, plei VIDEO.

VIDEO: Kam Wan Fren Blong Jehova (1:11)

Ridim Jon 17:3 mo Jemes 1:5, mo tokbaot kwestin ya:

• ?Olsem wanem wan i save rere blong baptaes?

1. Mifala i givim laef long Jehova, taem mifala i prea se mifala i wantem mekem wok blong hem blong olwe

2. Taem mifala i baptaes, hemia i soemaot long ol man se mifala i givim laef blong mifala long God

6. Taem yumi baptaes yumi joen long famle blong Jehova

Taem yumi baptaes, yumi joen long wan bigfala famle blong Jehova long fulwol. Evri Witnes blong Jehova we oli baptaes, oli gat sem bilif mo oli folem sem rul blong Baebol, nomata wanem ples we oli kamaot long hem o bakgraon blong olgeta. Ridim Ol Sam 25:14 mo 1 Pita 2:17, mo tokbaot kwestin ya:

• ?Baptaes i mekem frensip blong yu wetem Jehova mo ol man blong Hem i kam olsem wanem?

SAMARI

Jisas i tijim se ol Kristin oli mas baptaes. Blong kasem mak ya, man i mas bilif strong long Jehova, folem ol rul blong hem mo givim laef blong hem long Jehova.

Tingtingbak

• ?Oli baptaes olsem wanem? ?From wanem i impoten blong mekem olsem?

• ?Baptaes i soemaot wanem?

• ?Man i mas mekem wanem bifo we i givim laef blong hem long Jehova mo baptaes?

FAENEMAOT

Lanem se baptaes i minim wanem mo i no minim wanem.

“?Wanem Ya Baptaes?” (Web atikol)

Tingbaot ol samting we man i save mekem blong i kasem baptaes

“Lav Mo Tangkiu Bambae i Pulum Yu Blong Baptaes” (Wajtaoa, Maj 2020)

Ridim stori blong wan man we i tekem desisen blong baptaes, i no from filing blong hem nomo.

“Tufala i Wantem Se Mi Wan Mi Luksave Trutok” (Wajtaoa, 1 Eprel 2013)

Faenemaot olsem wanem baptaes i wan impoten mak blong kasem mo olsem wanem yu save rere from.

“Should I Get Baptized?” (Questions Young People Ask—Answers That Work, Volium 2, japta 37)