Nao taem Jisas i talem ol tok ya, plante man oli bilif long hem. Hem i talem long olgeta ya se: “Sipos yufala i obei long ol tok ya blong mi, hemia, yufala i prapa man blong mi. Nao bambae yufala i save ol trutok, mo trutok ya bambae i mekem yufala i friman.”

Jisas i gohed moa, i se: “Sipos mi, mi Pikinini blong God, mi mekem yufala i fri, hemia yufala i friman tru.” Ale trutok we i save mekem man i fri, hemia trutok long saed blong Pikinini blong God, Jisas Kraes. Man i save fri long sin mo ded from wan samting nomo: From stret laef blong Jisas we hem i givim olsem wan sakrafaes blong pemaot yumi evriwan. Jon 8:12-36.