• Jehova i Lavem Olgeta We ‘Oli Stanap Strong Mo Karem Frut’
    Wajtaoa Stadi—2018 | Mei

    • 3. ?Bambae yumi tokbaot wanem trifala kwestin, mo from wanem?

      3 Long stadi ya, bambae yumi tokbaot trifala kwestin ya: ?Tingting i save foldaon from wanem? ?Karem frut i minim wanem? ?Wanem i save givhan long yumi, blong yumi stanap strong mo gohed blong karem frut? Ansa blong ol kwestin ya i save pulum yumi, blong gohed long wok blong prij we Jisas i givim.

      ?TINGTING I SAVE FOLDAON FROM WANEM?

  • Jehova i Lavem Olgeta We ‘Oli Stanap Strong Mo Karem Frut’
    Wajtaoa Stadi—2018 | Mei

    • 7. (1) Long pijatok blong Jisas, ?hu ya “man ya we i planem grep,” “rop blong grep,” mo ‘ol han blong rop ya’? (2) ?Yumi mas faenem ansa long wanem narafala kwestin?

      7 Ridim Jon 15:1-5, 8. Long pijatok ya, Jisas i eksplenem se “man ya we i planem grep” hemia Jehova, “rop blong grep” hemia Jisas, mo ‘ol han blong rop ya’ hemia ol disaepol blong Jisas.b Afta, Jisas i talem long ol aposol se: “Taem yufala i gohed blong karem plante frut mo yufala i pruvum se yufala i disaepol blong mi, samting ya i leftemap nem blong Papa blong mi.” Ale, ?karem frut i minim wanem? Long pijatok ya, Jisas i no talem stret se frut i minim wanem, be hem i talem wan samting we i soemaot ansa blong kwestin ya.

      8. (1) ?From wanem “karem frut” i no min se yumi mekem ol niufala disaepol? (2) ?Jehova i askem long yumi blong mekem wanem?

      8 Jisas i talem se Papa blong hem bambae ‘i katemaot evri han we oli no karem frut.’ Hemia i min se, yumi mas karem frut sipos yumi wantem stap olsem wan man blong Jehova. (Matiu 13:23; 21:43) ?Olsem wanem? ?Karem frut i min se yumi mas mekem ol niufala disaepol? Nogat. (Matiu 28:19) ?From wanem? From we plante Witnes oli wok strong be oli no bin pulum wan man i kam disaepol. ?Yu ting se olgeta oli olsem ol han blong rop we oli no karem frut? !Nogat, from we yumi no save fosem ol man blong oli kam disaepol! Jehova i gat lav. Hem i askem long yumi, blong yumi mekem samting we yumi naf blong mekem, be i no samting we yumi no naf blong mekem.—Dutronome 30:11-14.

      9. (1) ?Karem frut i minim wanem? (2) ?Bambae yumi tokbaot wanem parabol?

      9 Ale, ?karem frut i minim wanem? I mas minim wan samting we yumi evriwan i save mekem. ?Jehova i givim wanem wok long olgeta man blong hem? Wok blong talemaot gud nius blong Kingdom.c (Matiu 24:14) Parabol blong man we i sakem sid i soemaot samting ya i klia nomo. Naoia bambae yumi tokbaot parabol ya.