• “?Wanem Ya Trutok?”
    Wajtaoa—1995 | 1 Julae

    • “?Wanem Ya Trutok?”

      TUFALA man ya i stap lukluk tufala. Wan i defren olgeta long narawan. Wan long tufala, hem i man blong politik we i no trastem ol narafala man. Hem i stap traehad blong kasem wan haenem, mo hem i rijman. Hem i rere blong mekem eni samting blong kam antap moa long wok blong hem. Narafala man, hem i wan tija. Hem i no wantem nating ol sas samting mo haenem. Hem i rere blong givim prapa laef blong hem blong sevem ol narafala man. I klia se, tufala man ya i no gat sem tingting nating. Wan bigfala samting we tufala i no agri nating long hem—hemia long saed blong trutok.

      Tufala man ya i Ponjes Paelet mo Jisas Kraes. Jisas i stap stanap long fored blong Paelet. Oli jajem Jisas olsem we hem i wan rabis man blong brekem loa. ?From wanem? Jisas i eksplenem se risen blong samting ya​—yes, stret risen from wanem hem i kam long wol ya mo mekem minista wok blong hem—​i stanap long wan samting nomo: trutok. Hem i talem se: “Mi mi bon, mi kam long wol ya, blong wan samting nomo, blong mi talemaot ol tok blong leftemap trutok.”​—Jon 18:37.

      Blong ansa long Jisas, Paelet i askem wan impoten kwestin: “?Wanem ya trutok?” (Jon 18:38) ?Hem i rili wantem save stret ansa long kwestin ya? Ating no. Jisas i wan man we i save ansarem kwestin blong eni man we i rili wantem save stret ansa. Be hem i no ansarem kwestin blong Paelet. Mo Baebol i talem se kwiktaem afta we Paelet i askem kwestin ya, hem i goaot long rum ya. Ating hedgavman ya blong ol man Rom i askem kwestin ya long wan fasin we i soem se, hem i no trastem no bilif strong long eni samting. I olsem we hem i talem se, “?Trutok? ?Wanem samting ya? !I no gat trutok!”a

  • “?Wanem Ya Trutok?”
    Wajtaoa—1995 | 1 Julae

    • a Folem tok blong man ya blong stadi Baebol, R. C. H. Lenski, Paelet i “tok olsem ol man blong wol ya we oli no bilif strong long wan samting. Tru long kwestin blong hem, hem i wantem talem se i westem taem blong bilif long enikaen trutok long saed blong skul.”